ဘဲလေးရဲ့ တမူထူးတဲ့ ဘယာကြော် ဟမ်ဘာဂါ ပြုလုပ်နည်း

ဘဲလေးရဲ့ တမူထူးတဲ့ ဘယာကြော် ဟမ်ဘာဂါ ပြုလုပ်နည်း 

ဘဲလေးချစ်သူတို့ရေ...ပုံမှန်ဘယာကြော်ကနေ ဘယာကြော် ဟမ်ဘာဂါလေး ပြင်ဆင်စားသောက်လို့ရတယ်ဆိုတာကို စိတ်ကူးကြည့်ဖူးလားနော်...ဘဲလေးပြိုင်ပွဲဝင် ဒုတိယဆုရှင်မမကတော့ လက်တွေ့အကောင်အထည် ဖော်ပြခဲ့ပါပြီ။ အိမ်မှာအလွယ်တကူ ပြန်လည်လုပ်စားလို့ရအောင် ဘဲလေးနဲ့အတူတူ ချက်နည်းပြုတ်နည်းလေးကို ကြည့်ကြည့်ကြရအောင်နော်

ပါဝင်ပစ္စည်းများ
-------------------------
- ဘဲလေး ကုလားပဲအကျက်မှုန့် လက်ဖက်စားဇွန်း (၁) ဇွန်း
- ဘဲလေးဘယာကြော်မှုန့် (၁) ထုပ်
- ခရမ်းချဉ်သီး (၁) လုံး
- ဂေါ်ဖီထုပ် ပါးပါးလှီထားသည်များ အနည်းငယ်
- Cheese (၁) ပြား
- ပျဉ်းတော်သိမ်
- ငရုတ်သီးစိမ်း
- ကြက်သွန်ဖြူ အနည်းငယ်
- မကျည်းသီးအချည်ရည်
- ဆလပ်ရွက်
- ဘဲလေး ဟင်းသီးဟင်းရွက်ဆီ
- ကြက်သွန်နီ ဥကြီး (၁) လုံး

ချက်နည်းပြုတ်နည်း
-------------------------------
ဘဲလေး ဘယာကြော်မှုန် ကို ဇလုံတစ်လုံးထဲ ဖောက်ထည့်ပြီး ပျဉ်တော်သိမ် မထူမပါးလှီးထားတာနဲ့ ငရုတ်သီးစိမ် ကြက်သွန်ဖြူ ဆား အနည်းငယ် ထည့်ပြီး သမအောင်နယ်ပေးပါမယ်။
ဘာဂါအတွက် ခရမ်းချဉ်သီး မထူးမပါးလှီးထားပါမယ်။
ဂေါ်ဖီကိုလဲ ပါးပါးလေးတွေ လှီးထားပါမယ်။
အချဉ်ရည်အတွက် မကျီးသီးကို ရေအနည်းငယ်ထည့်ပြီ ပြုတ်ပေးပါမယ်။
အနှစ်လေးတွေ ဖြစ်လာရင်တော့ ဇကာနဲ့တိုက်ပေပြီးငရုတ်ဆီ ဘဲလေး ကုလားပဲကျက်မှုန့် ငံပြာရည် အနည်းငယ် သကြားအနည်းငယ်ထည့်ပြီ Sauce အဖြစ်ပြင်ဆင်ပေးထားပါမယ်။
ဒယ်အိုးပူလာလျင် ဘဲလေးဆီထည့်ပြီ ဆီပူလာလျှင် နယ်ထားတဲ့ ဘယာကြော်မှုန်တွေကို မိမိလိုသလို အဝိုင်းပြားအနေအထားလုပ်ပြီး မီးအနေတော်နဲ့ ဖြည်းဖြည်းချင်းကြော်ပေးရပါမယ် (မီးအရမ်းပြင်းလို့မရပါဘူး ) မီးအရမ်းပြင်းရင် ဘယာကြော်တွေက အတွင်းသား မကျက်ဘဲ တူးသွားတတ်ပါတယ်။
ဘယာကြော်လေးတွေ ရပြီဆိုရင်တော့ ဆလပ်ရွက် ပါးပါးလှီးထားတဲ့ ဂေါ်ဖီရွက် ခရမ်းချဉ်သီး Cheese ပြား ကျိုထားတဲ့ မကျည်းသီး Sauce လေးကို ထည့်ပြီး အပေါ်က ဘယာကြော် ကို ထပ်အုပ်လိုက်ရင်တော့ အရသာ အသစ်နဲ့ အမြင်လဲ ဆန်းတဲ့ ဘယာကြော် ဟမ်ဘာဂါလေး ရပါပြီ။
ဘာဂါ နဲ့ တွဲစားဖို့အတွက် ကြက်သွန်ဘယာကြော် ကြော်ပါမယ်။
ကြက်သွန်နီ အလုံးကြီး တစ်လုံးကို အခွံခွာပြီး မထူမပါး အကွင်းလေးတွေလှီးပြီး ဘယာကြော် မှုန့်လေး ကပ်ပြီး ပြန်ကြော်ထားတဲ့ ကြက်သွန်ဘယာကြော် မွှေးမွှေးလေးကလဲ ဘယာကြော် ဘာဂါလေးနဲ့ လိုက်ဖက်လွန်းလှပါတယ်။